ქუთაისში, კლინიკა “ბომონდის” კოვიდცენტრში კორონავირუსისგან ასაკოვანი ცოლ-ქმარი გამოჯანმრთელდა.
გამოჯანმრთელებულმა 71 წლის კაცმა და 75 წლის ქალმა კლინიკა უკვე დატოვა.
ინფორმაციისთვის, ,,კლინიკა ბომონდის” კოვიდცენტრი 14 სექტემბრიდან ფუნქციონირებს. დღემდე კლინიკაში ვირუსი 85-მა პაციენტმა დაამარცხა. ამ დროისთვის სამედიცინო დაწესებულებაში 72 კოვიდინფიცირებული პაციენტი მკურნალობს.
შეგახსენებთ, რომ დღეს საქართველოში 375 პაციენტი გამოჯანმრთელდა და საერთო რაოდენობა 4619-ს შეადგენს.
ქვეყანაში კორონავირუსის 578 ახალი შემთხვევა გამოვლინდა და ინფიცირებულთა რაოდენობა 8696-მდე გაიზარდა.
კორონავირუსით გამოწვეული გართულებების შედეგად გარდაცვლილია 54 ადამიანი.