აშშ-ის პრეზიდენტის პირადი ექიმის ინფორმაციით, დონალდ ტრამპი თავს კარგად გრძნობს. როგორც შონ კონლი აცხადებს, პრეზიდენტი ამჟამად ხელოვნურ სუნთქვაზე არ არის.
„ამ დილით პრეზიდენდი თავს ძალიან კარგად გრძნობს. როგორც გუშინ გაიგეთ, თავის დაზღვევის მიზნით, პრეზიდენტის „ვოლტერ რიდის“ საავადმყოფოში გადმოყვანის რეკომენდაცია გავეცი, რათა ის მონიტორინგის ქვეშ იყოს და საჭიროების შემთხვევაში, დახმარება მიიღოს“ – განაცხდა ექიმმა,
ცნობისათვის, უსაფრთხოების ზომებიდან გამომდინარე, აშშ-ის პრეზიდენტი დონალდ ტრამპი „ვოლტერ რიდის“ სამხედრო ჰოსპიტალში დღეს გადაიყვანეს. თეთრი სახლის ლიდერს კორონავირუსი 2 ოქტომბერს დაუდასტურდა.