ჯანდაცვის სამინისტრო სკოლის მოსწავლეებს მოუწოდებს, სკოლაში სხვისი ნივთები არ გამოიყენონ.
ამის შესახებ ახალი ზოგადსაგანმანათლებლო დაწესებულებებისთვის, COVID-19-თან დაკავშირებულ ზოგად რეკომენდაციებში ვკითხულობთ.
ამასთანავე, მათ სწავლების პერიოდში უნდა უზრუნველყონ თმის შეკვრა/მჭიდროდ დამაგრება, რათა მაქსიმალურად შეიზღუდოს თმების სახის ზედაპირთან შეხება;
მოსწავლეების ვალდებულებები:
o დაიცავით ჰიგიენის წესები;
o დაიცავით სასწავლო დაწესებულების მიერ დადგენილი წესები;
o დაიმუშავეთ ხელები სადეზინფექციო ხსნარით იმ შემთხვევაში, როცა ვერ ხერხდება ხელების დაბანა
თხევადი საპნით და ერთჯერადი ხელსახოცით გაშრობა;
o დაიბანეთ ხელები წყლითა და საპნით ხილული დაბინძურების შემთხვევაში ან ბიოლოგიური სითხეების
მოხვედრისას;
o დახველებისა და დაცემინების დროს მიიფარეთ სუფთა ხელსახოცი (რომელიც ერთჯერადი გამოყენების
შემდეგ ექვემდებარება გადაგდებას) ან მოხრილი იდაყვი;
o მოერიდეთ ხელებით თვალებზე, ცხვირსა და პირზე შეხებას;
o სწავლების პერიოდში უზრუნველყავით თმის შეკვრა/მჭიდროდ დამაგრება, რათა მაქსიმალურად
შეიზღუდოს თმების სახის ზედაპირთან შეხება;
o არ გამოიყენოთ სხვისი ნივთები;
o ჯანმრთელობის მდგომარეობის გაუარესების შემთხვევაში მიმართეთ ექიმს.
პარალელურად, დაცული უნდა იყოს სავალდებულო დისტანცია მოსწავლეებს შორის საგაკვეთილო პროცესის დროს დახურულ და ღია სივრცეებში.
საკლასო ოთახში, მაგიდების/მერხების განლაგება მიზანშეწონილია მოხდეს შემდეგი პრინციპით:
- მაგიდები განლაგდეს იმგვარად, რომ მოსწავლეები არ ისხდნენ ერთმანეთის პირისპირ და მათ შორის
დაცული იყოს დისტანცია არანაკლებ 1 მეტრისა; - მაგიდები განლაგდეს იმგვარად, რომ მოსწავლეები ისხდნენ ერთმანეთის პირისპირ, და მათ შორის
დაცული იყოს დისტანცია არანაკლებ 2 მეტრისა; - საგაკვეთილო პროცესის დროს მასწავლებელი ვალდებულია ეკეთოს პირბადე იმ შემთხვევაში, თუ
მაგიდები განლაგებულია იმგვარად, რომ მასსა და მოსწავლეებს შორის შეუძლებელია 2 მეტრიანი
დისტანციის დაცვა.
თამთა ქარქაშაძე