“მეცინება ხოლმე, ისინი ამბობენ, რომ მიხეილ სააკაშვილი ძებნილია და კიდევ ერთხელ თქვენი ეთერის მეშვეობით მოვუწოდებ მათ და მივმართავ, მაგალითად, მდინარაძე თუ ეძებს, ავიღოთ თბილისი-კიევის ბილეთი და მე მივიყვან მიხეილ სააკაშვილის სახლში, მასაც და წულუკიანსაც. მართლაც სასაცილოა მსგავსი განცხადებები, რომ თურმე ვინმე ვინმეს ეძებს.”
ლევან ხაბეიშვილი-სამგორის ოლქში “ნაციონალური მოძრაობის” მაჟორიტარობის კანდიდატი
“პალიტრანიუსი”
რაც შეეხება მიხეილ სააკაშვილის ბოდიშს,ხაბეიშვილის შეფსებით, მან იმ დაუსრულებელი საქმეების გამოც მოიხადა ბოდიში, რომელიც დაწყებული ჰქონდა, მათ შორის პრობლემების გამო.
ცნობისათვის, პარტია “ნაციონალური მოძრაობა“ და გაერთიანებაში „ძალა ერთობაშია“ შემავალი პარტიები პრემიერ-მინისტრობის კანდიდატად საქართველოს ყოფილ პრეზიდენტს, მიხეილ სააკაშვილს წარადგინეს.
ექსპრეზიდენტმა ვიდეომიმართვაც გაავრცელა, სადაც ის ქართველ ხალხს დაშვებული შეცდომების გამო ბოდიშს უხდის. ასევე,აცხადებს, რომ საქართველოს პრემიერ-მინისტრი იქნება არა სრული ვადით, არამედ 2 წლით. მისი თქმით, 2 წელი იქნება საკმარისი, რომ ქვეყანა „ამოვათრიოთ ჭაობიდან და ძალიან სწრაფად წავიდეთ წინ“.
