ახალი ამბები სამართალი

თბილისში ირანის 2 მოქალაქე გაძაცვეს

საპატრულო პოლიციამ თავისუფლების უკანონო აღკვეთის, ძარცვის და დანაშაულის შეუტყობინებლობის ბრალდებით ხუთი პირი დააკავა.

1980 წელს დაბადებული გიორგი წ. და 1981 წელს დაბადებული გიორგი ჩ. თავისუფლების უკანონო აღკვეთის და ძარცვის, ხოლო 1982 წელს დაბადებული გიორგი ც, 1986 წელს დაბადებული დავით ნ. და 1968 წელს დაბადებული ხათუნა ც. დანაშაულის შეუტყობინებლობის ბრალდებით დააკავეს.

დაკავებამდე ცოტა ხნით ადრე გადაუდებელი დახმარების ოპერატიული მართვის ცენტრ „112“-ში შევიდა შეტყობინება, რომ თბილისში, პეკინის ქუჩაზე მდებარე ერთ-ერთ ღამის კლუბში, ირანის ისლამური რესპუბლიკის ორ მოქალაქეს თავისუფლება აღუკვეთეს.

საპატრულო პოლიციის თანამშრომლები შეტყობინების მიღებისთანავე შემთხვევის ადგილზე გამოცხადნენ.  ადგილზე მისვლისას პოლიციამ დაადგინა, რომ ღამის კლუბის თანამშრომლებმა ორ კლიენტს – ირანის ისლამური რესპუბლიკის მოქალაქეებს ფული წაართვეს, შემდეგ კი თავისუფლება უკანონოდ აღუკვეთეს და ბარის ერთ-ერთ ოთახში ჩაკეტეს.

გამოძიება გიორგი წ-ს და გიორგი ჩ-ს მიმართ თავისუფლების უკანონო აღკვეთის და ძარცვის ფაქტზე (საქართველოს სსკ-ის 143-ე და 178-ე მუხლებით), ხოლო გიორგი ც-ს, დავით ნ-ს და ხათუნა ც-ს მიმართ დანაშაულის შეუტყობინებლობის ფაქტზე მიმდინარეობს (საქართველოს სსკ-ის 376-ე მუხლით).

 

ავიაბილეთები იაფად
იტვირთბა....

სხვა ამბები

კობახიძე წულუკიანზე: არ გვაქვს „შუტკა“ გახსნილი

giorgi chafidze

ხუხაშვილი კობახიძეზე: მგონი დროა, ფისი-ფისის გაკეთება მოვთხოვოთ…

giorgi chafidze

კობახიძე – ხარი ხართან დააბი არის ის, რაც დაემართა გიორგი გახარიას

giorgi chafidze

მელია: 2 ოქტომბერს ან ვწერთ ისტორიას, ან გვეტყვიან, რომ არ ვყოფილვართ ბრძოლისუნარიანი ხალხი

giorgi chafidze

გვარამია ზარქუაზე: აწ უკვე – შიზოფრენიაა სახეზე

giorgi chafidze

ზარქუა: გამიხარდებოდა, რომ მისმენდნენ

giorgi chafidze