“ზოგადად ვაცხადებთ, რომ მზად ვართ გერმანიასთან მონაცემების სრული გაცვლა განვახორციელოთ. ჩვენმა ექიმებმა ოფიციალურად განაცხადეს მზაობა დოკუმენტები გადასცენ გერმანულ მხარეს, თუმცა, ამ დრომდე, გერმანელი კოლეგებისგან პასუხი არ მიუღიათ. პაციენტს ბერლინში გადაყვანამდე ჩვენს ქვეყანაში საერთაშორისო სტანდარტების სრული დაცვით ჩაუტარდა არაერთი სამედიცინო გამოკვლევა, თუმცა მის ორგანიზმში მომწამვლელი ნივთიერებები არ აღმოჩნდა”.
დმიტრი პესკოვი – რუსეთის პრესსპიკერი.
გერმანიის ხელისუფლებამ განაცხადა, რომ რუსი ოპოზიციონერი ალექსეი ნავალნი ქიმიური ნერვული აგენტით, ნოვიჩოკის ჯგუფის ნივთიერებით მოწამლეს.
ბერლინის ჰოსპიტალში ნავალნი 21 აგვისტოს გადაიყვანეს. გადაყვანიდან 3 დღის შემდეგ, 24 აგვისტოს კი გერმანელმა ექიმებმა დაადასტურეს, რომ ნავალნი მოწამლული იყო. იგი ამ დრომდე კომაშია.
