პოლონეთში ჩატარებულ საპარლამენტო არჩევნებში კონსერვატიული პარტია “სამართალი და სამართლიანობა” ლიდერობს. ინფორმაციას ამის შესახებ “ბიბისი” ავრცელებს. გამოკითხვების შედეგებით, ლეხ კაჩინსკის ძმის, იაროსლავ კაჩინსკის ოპოზიციურმა პარტიამ არჩევნებში მონაწილეთა ხმათა 39,1% დააგროვა, მმართველმა სამოქალაქო პლატფორმამ კი – 23,4%.
პოლონეთის პრემიერ-მინისტრმა ევა კოპაჩმა არჩევნებში დამარცხება ოფიციალურად აღიარა.
“ბიბისის”, ინფორმაციით იმ შემთხვევაში, თუ ეს მონაცემები დადასტურდა, პირველად 1989 წლის შემდეგ, მთავრობის ჩამოყალიბებას ერთი პარტია, კოალიციის გარეშე შეძლებს.
პრემიერ-მინისტრობის კანდიდატმა ბეატა შიდლომ მოსახლეობას მხარდაჭერისთვის მადლობა გადაუხადა.
წინასაარჩევნო კამპანიის დროს, “სამართალმა და სამართლიანობამ” გადასახადების შემცირებისა და სოციალური დახმარების გაზრდის პირობა დადო. იაროსლავ კაჩინსკის პოლიტიკური გუნდი ნატო-ს გაძლიერების მომხრეა.
შეგახსენებთ, რომ პოლონეთში საპარლამენტო არჩევნებში მონაწილეობას 8 პოლიტიკური პარტია იღებდა.