“ყოველდღე ვაჩერებ ათეულობით ადამიანს, რომ ხომასურიძე რამე შარში არ გაეხვას. ვეხვეწები და ვემუდარები, რომ ახლოს არ მიეკარონ. დღეში მიხადოს ასი მადლობა იმის გამო, რომ ათეულობით ადამიანს ვაკავებ. კიდევ ერთი მაგის განცხადება მსგავსი სისულელის შესახებ და მერე მე პასუხს აღარ ვაგებ არაფერზე.”
მირიან ნიკოლაძე – გარდაცვლილი გიორგი შაქარაშვილის ბიძა
“TV პირველი”
აღნიშნული განცხადებით, მირიან ნიკოლაძე, 19 წლის ფეხბურთელის გარდაცვალების საქმეზე დაკავებული არასრულწლოვანი ზ.ხ.-ს მამის, თამაზ ხომასურიძის განცხადებას გამოეხმაურა.
თამაზ ხომასურიძე მედიასთან უკვე ერთი კვირაა აცხადებს, რომ არსებობს გაერთიანება “თეთრი ისარი”, რომელშიც 25 კაცია გაწევრიანებული. მისი თქმით, ეს ორგანიზაცია ქვეყანაში პარალელურ გამოძიებას ახორციელებს.