aviabiletebi
ახალი ამბები მთავარი პოლიტიკა საზოგადოება

“დიახ, ნამდვილად ვიყავით აფხაზეთში” – ინაშვილი ოკუპირებულ ტერიტორიაზე გადასვლის მიზეზსს განმარტავს

aviabiletebi
ავიაბილეთები

პარტია “პატრიოტთა ალიანსის” ლიდერი ირმა ინაშვილი ადასტურებს, რომ ის და მისი თანაპარტიელი  აფხაზეთში იმყოფებოდნენ. მისი თქმით, აფხაზეთში, ილორის ტაძარში ღვთისმშობლის ხატი დააბრძანეს. ამის შესახებ მან საგანგებო ბრიფინგზე განაცხადა.

“ჩვენ, მე და გიორგი ლომია, ჩვენი ფრაქციის თავმჯდომარე, ნამდვილად ვიყავით აფხაზეთში, დიახ, ნამდვილად ვიყავით, ჩვენ ღვთისმშობლის ხატი დავაბრძანეთ ილორის ტაძარში და გაცოფებული ხართ სააკაშვილი და ბოკერია იმიტომ, რომ თქვენ კოდორი და აფხაზეთი და ჩვენი მიწების 22% ჩააბარეთ, ვის ჩააბარეთ, გადასარევად იცით და ჩვენ ჩვენი ქვეყნისთვის ვიბრძვით და ჩვენი ქვეყნისთვის სიკეთე გვინდა და ამ სიკეთის ნაპერწკალი რომ ღვივდება ახლა, სწორედ ამიტომ ივსება შურით სააკაშვილისა და ბოკერიას გული” – თქვა ინაშვილმა.

ცნობისთვის, ოკუპირებული აფხაზეთის დე ფაქტო პრეზიდენტის მრჩეველმა, პარტია სახალხო ფრონტის თავმჯდომარე ლაშა საკანიამ დღეს განცხადება გამოაქვეყნა, რომლითაც დადასტურდა, რომ პატრიოტთა ალიანსის წევრები აფხაზეთში ვიზიტით იმყოფებოდნენ. მისივე თქმით, საპარლამენტო პარტიის წარმომადგენლებმა ვიზიტის ფარგლებში აფხაზეთში მდებარე ილორის მონასტერში ღვთისმშობლის ხატი ჩაიტანეს.

დავით თარხან მოურავი და ირმა ინაშვილი დაახლოებით ერთი კვირის წინ ენგურის ხიდის გავლით აფხაზეთის ტერიტორიაზე გადავიდნენ და დაახლოებით 4 საათის განმავლობაში დარჩნენ. ტერიტორია მათ ღამის 12 საათისკენ დატოვეს. ამის შესახებ ინფორმაციას “მთავარი არხი” ავრცელებს. ამ საკითხთან დაკავშირებით “მეტრონომი” პარტიის ლიდერებს დაუკავშირდა, თუმცა, აღნიშნულთან დაკავშირებით, კომენტარის გაკეთება არ ისურვეს.

“უკომენტაროდ, უკომენტაროდ” – გვითხრა “პატრიოტთა ალიანსის” ერთ-ერთმა წევრმა, გიორგი ლომიამ.

იტვირთბა....