“თამარმა იანვარში შეიძინა ელექტროშოკი. როგორც მედიიდან გაჟღერდა, იმ მომენტში ის ესაუბრებოდა ნორვეგიაში მყოფ ქართველს და სურდა გაეგო პოლიტიკური თავშესაფრის შესახებინფორმაცია. რისთვის სჭირდებოდა ელექტროშოკი, ამაზე საუბარი თამარს ჩემთან არ ჰქონია, მაგრამ მე მაქვს ვარაუდი, რომ არსებობდა ფიზიკური პირის მხრიდან რაიმე სახის საფრთხე.”
აღნიშნული განცხადება, დაღუპული თამარ ბაჩალიაშვილის ე.წ. შეყვარებულმა ბაჩანა ლობჟანიძემ პროკურატურიდან გამოსვლის შემდეგ მედიასთან გააკეთა.
როგორც ლობჟანიძემ ჟურნალისტებთან განაცხადა, პროკურატურას ჰქონდა გარკვეული კითხვები. კერძოდ, კი გამომძიებლებმა უფრო ვრცლად მოსთხოვეს პასუხების გაცემა.
მისივე თქმით, პროკურატურა ამჯერად მისი პიროვნების შესწავლით არის დაინტერესებული და თავად ამ ფაქტს ბაჩალიაშვილის ოჯახის მოთხოვნასთან აკავშირებს.