“ლისზე როცა ვიყავით, თამარმა მე მკითხა, მიფიქრია თუ არა თვითმკვლელობაზე და არ დამაცადა პასუხის გაცემა და მეუბნება: “მე მიფიქრია და მივხვდი, რომ უაზრობაა”
ბაჩანა ლობჟანიძე, გარდაცვლილი თამარ ბაჩალიაშვილი მეგობარი
ამის შესახებ ლობჟანიზემ ტელეკომპანია “ფორმულას” ეთერში განაცხადა
ბაჩალიაშვილის მეგობრის, დეა კაპანაძის განცხადებით,თამარს არა ბაჩანა ლობჟანიძე, არამედ სხვა შეყვარებული ჰყავდა. ამის შესახებ კაპანაძემ ჟურნალისტ ელისო კილაძესთან ინტერვიუში თქვა.
შეგახსენებთ, დღეს ლევან სამხარაულის სახელობის ექსპერტიზის ეროვნულ ბიუროში თამარ ბაჩალიაშვილის კუთვნილი მობილური ტელეფონის ექსპერტიზა დაიწყება.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
