საქართველოს ჯანდაცვის სამინისტროს ინფორმაციით, ქვეყნის მასშტაბით, „კოვიდ-19“-ის გავრცელების პრევენციის მიზნით შემუშავებული რეკომენდაციების შესრულებაზე 2775 სასტუმრო შემოწმდა. აქედან მოთხოვნა 1334-მა ობიექტმა დააკმაყოფილა.
სილამაზის სალონებთან დაკავშირებით კი, ჯანდაცვის სამინისტროშ აცხადებენ, რომ შემოწმებული 850 ობიექტიდან მოთხოვნები 343-მა ობიექტმა დააკმაყოფილა.
მოთხოვნების შეუსრულებლობის შემთხვევაში, ბიზნესსუბიექტებს გაფრთხილება ეძლევათ, დარღვევის გამეორება კი უკვე ფულად ჯარიმებს ითვალისწინებს.
