20 ივლისს “ქართული ოცნება” მიმდინარე წლის საპარლამენტო არჩევნებზე მაჟორიტარი დეპუტატობის კანდიდატებს წარადგენს. დედაქალაქში მმართველმა გუნდმა შესაძლოა ლევან კობიაშვილის, სოზარ სუბარის და დავით სერგეენკოს კანდიდატები წარადგინოს. ამის შესახებ ინფორმაციას “დროება” აქვეყნებს.
გლდანი -“ქართული ოცნების” კანდიდატი გლდანის მოქმედი მაჟორიტარი და ფეხბურთის ფედერაციის პრეზიდენტი ლევან კობიაშვილი იქნება.
სამგორი – მმართველი გუნდი აქ პრემიერის მრჩეველს, ყოფილ მინისტრს, სოზარ სუბარს წარადგენს.
ისანი – მაჟორიტარობისთვის მოქმედი მაჟორიტარი დეპუტატი, ყოფილი მორაგბე, ირაკლი აბუსერიძე იბრძოლებს.
საბურთალო – მმართველი გუნდი მაჟორიტარობის კანდიდატად ჯანდაცვის ყოფილ მინისტრს, დავით სერგეენკოს, წარადგენს.
ვაკე – ერთერთი ვერსიით, მმართველი გუნდის კანდიდატი აქ ვაკის რაიონის გამგებელი, ნოდარ ტურძელაძე, იქნება. ასევე, შესაძლოა, კანდიდატად პარლამენტის ვიცესპიკერი გია ვოლსკი დასახელდეს. არსებობს ცნობები იმის თაობაზეც, რომ ვოლსკიმ კენჭი, შესაძლოა, დიდუბე-ჩუღურეთის ოლქში იყაროს.
ნაძალადევი – ამ ოლქში იუსტიციის მინისტრი თეა წულუკიანი იქნება.
მთაწმინდა – კრწანისი – “ქართული ოცნება” კანდიდატად დეპუტატ ბექა ოდიშარიას წარადგენს.