“დილიდან ველოდებით საგამოძიებო ორგანოების პასუხს, დაკავებულ სპორტსმენთაგან ვინ არის ცაცია. შეგახსენეთ, ცაციობის ალბათობის ვიდეო მტკიცებულება ჩვენ მოვიპოვეთ არჩილ გაგნიძეზე. რაც შეეხება მახარაძესა და ჟვანიას – მათზე ამის დამადასტურებელი ან გამომრიცხავი არც ვიდეო იძებნება და არც სხვა რამ მტკიცებულბა. ველით პასუხს. იმედია ცაციობის დადგენას სამკვირიანი ექსპერტიზა სჭირდებაო, პასუხად არ გვეტყვიან.”
ნიკა გვარამია – “მთავარი არხის” გენერალური დირექტორი
აღნიშნული განცხადება გვარამიამ სოციალურ ქსელში გამოაქვეყნა.
შეგახსენებთ, ამ ეტაპზე გიორგი შაქარაშვილის გარდაცვალების საქმეზე დაკავებულია 17 პირი. შსს-მ გამოძიებას სისხლის სამართლის კოდექსის 126-ე, ძალადობის მუხლიც დაამატა. ახლა გამოძიება ორი მუხლით მიმდინარეობს – თავისუფლების უკანონოდ აღკვეთისა (სსკ-ის 143-ე) და ძალადობის მუხლებით.
19 ივნისს საღამოს კლუბ „საბურთალოს“ ფეხბურთელის, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. სამართალდამცველებმა, სამაშველო სამსახურებმა და მყვინთავებმა შეტყობისთანავე დაიწყეს სამძებრო სამუშაოები. ფეხბურთელს 70 მეხანძრე-მაშველი და მყვინთავთა 7 ჯგუფი ეძებდა. 4-დღიანი უწყვეტი საძიებო სამუშაოების შედეგად მყვინთავებმა გიორგი შაქარაშვილის ცხედარი მდინარეში იპოვეს.