“გადავწყვიტე დავტოვო პატრიოტთა ალიანსი! მივდივარ პარტიიდან და მივდივარ ფრაქციიდანაც!” – კვიციანი

დეპუტატმა ემზარ კვიციანმა “ფეისბუქის” საკუთარ გვერდზე პოსტი გაქმოაქვეყნა და განაცხადა, რომ “პატრიოტთა ალიანსს” ტოვებს.

მისი თქმით, აღნიშნული გადაწყვეტილება არ ნიშნავს, რომ ის პარტიიდან განაწყენებული მიდის. როგორც კვიციანი განმარტავს, მას არ უნდა მისი “გიჟური გადაწყვეტილებებით” ავნოს მეგობრებს და “პატრიოტთა ალიანსის” წევრებს.

“ჩემო ძვირფასო პატრიოტებო! გადავწყვიტე დავტოვო პატრიოტთა ალიანსი! ეს არ ნიშნავს, რომ მე რაიმე განაწყენებული მივდივარ,უბრალოდ არ მინდა ჩემი გიჟური გადაწყვეტილებებით ვავნო ჩემს მეგობრებს პატრიოტთა ალიანსის წევრებს!4 თვე დამრჩა პარლამენტარობა და მაქსიმალურად მინდა დავიხარჯო! არ მინდა ჩემი სარისკო ქმედებით ზიანი მივაყენო ჩემთვის ძვირფას ადამიანებს! მივდივარ პარტიიდან და მივდივარ ფრაქციიდანაც! მინდა ჩემს მეგობრებს ვუსურვო წარმატება,პოლიტიკურ და პირად ცხოვრებაში!უფალი გწყალობდეთ და გფარვიდეთ!ძალიან ვწუხვარ ,მაგრამ მე უნდა გავამძაფრო ბრძოლა ჩვენი ქვეყნის და ქართველობის შესანარჩუნებლად!ქართველთა გადასარჩენად თავგანწირვის გზაზე მინდა დავადგე,ვინც გამომყვება ღმერთმა დაგლოცოთ ,ვინც არა თქვენც დალოცვილი მეყოლეთ!აღმოჩნდა,რომ მე სხვა გზა მაქვს, უფრო უტვინო,მაგრამ ჩემი! უფალმა მიმყოფოს ყველა პატრიოტი პატრიოტულად!დიდება ღმერთს!!!”, – წერს კვიციანი.