ნიუ-იორკის ჯანდაცვის დეპარტამენტი კორონავირუსის გავრცელების პრევენციის მიზნით მოქალაქეებს ახალ რეკომენდაციას აძლევს, რომლის მიხედვითაც მათ სექსის დროს პირბადეების გამოყენებას ურჩევს.
ამის შესახებ ტელეკომპანია CNN-ი ავრცელებს.
განახლებულ რეკომენდაციებში ასევე ნათქვამია, რომ სექსის დროს პირბადის გამოყენება კორონავირუსის გავრცელების რისკს ამცირებს.
ვრცელდება თუ არა ადამიანებს შორის კორონავირუსი სქესობრივი გზით, უცნობია, თუმცა სპეციალისტები აღნიშნავენ, რომ აქამდე ცნობილი კორონავირუსის ჯგუფის ინფექციები სქესობრივი გზით გადამდები არაა.