“ჩემს პრაქტიკაში კავასაკის სინდრომის შემთხვევები, სამწუხაროდ, საკმაოდ ხშირია. ბოლო შემთხვევა გვქონდა 2 თვის წინ. აღნიშნული სინდრომის დროს გადამწყვეტია დროული დიაგნოსტიკა და სწორი მკურნალობა. მისი უმძიმესი ფორმა არის უკვე ანევრიზმა, განსაკუთრებით გულზე, რამაც შესაძლოა, გარდაცვალებაც კი გამოიწვიოს.”
ვიტალი ხარაშვილი – თბილისის ბავშვთა ინფექციური კლინიკური საავადმყოფოს ინტენსიური თერაპიის განყოფილების გამგე
ამის შესახებ ხარაშვილმა PIA.GE-სთან ინტერვიუში განაცხადა.
ვიტალი ხარაშვილის თქმით, კავასაკის სინდრომი საქართველოში პირველად 30 წლის წინ დადასტურდა და ეს სწორედ მის პრაქტიკაში მოხდა.
მისი განმარტებით, კავასაკის სინდრომი საქართველოში საკმაოდ ხშირად ვლინდება. კავასაკი უმეტესად 5 წლამდე ასაკის ბავშვებში ფიქსირდება, თუმცა, ნებისმიერი წლოვანების ადამიანს შეიძლება დაემართოს.