ახალი ამბები მთავარი საზოგადოება

ეზუგბაიას თქმით, კორონავირუსით ინფიცირებული ახალი პაციენტებიდან ერთი 16 წლისაა

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული ახალი პაციენტებიდან ერთი არასწრულწლოვანია.

ამის შესახებ მარინა ეზიგბაიამ ჟურნალისტებთან განაცხადა.

მისივე თქმით, ახალი პაციენტების ჯანმრთელობის მდგომარეობა საშუალო სიმძიმისაა.

“მათგან ერთი 16 წლისაა, მაგრამ ეს უკვე აღარ მოიხსენიება, როგორც მოზარდი. 16 წელი უკვე, გარკვეულწილად, სცილდება ბავშვთა ასაკს. ამ რვა ახალი პაციენტის მდგომარეობა საშუალო სიმძიმეს არ სცილდება. ვნახოთ, დღეს გაფართოებული კვლევებით რას მივიღებთ“, – განაცხადა მარინა ეზუგბაიამ.

ეზუგბაიუას ცნობით, ყველა პაციენტის ინფიცირების წყარო ცნობილია.

ამ დროისთვის საქართველოში კორონავირუსის 746  შემთხვევა არის დადასტურებული. ასევე, გამოჯანმრთელდა კიდევ სამი პაციენტი და გამოჯანმრთელებულთა რაოდენობა სულ 576-ს შეადგენს. ამასთან, უცხოეთიდან სამკურნალოდ გადმოყვანილია საქართველოს სამი მოქალაქე. ახალი კორონავირუსის შედეგად, ქვეყანაში 12 პაციენტი გარდაიცვალა.

 

 

ავიაბილეთები იაფად
იტვირთბა....