პრემიერ-მინისტრის, გიორგი გახარიას განცხადებით, საქართველოში საქალაქთაშორისო მგზავრობა 8 ივნისიდან აღდგება.
ამის შესახებ პრემიერმა საკოორდინაციო საბჭოს სხდომაზე განაცხადა,
პრემიერ-მინისტრის თქმით, მგზავრობისას დაწესებული იქნება გარკვეული შეზღუდვები. მგზავრობისას აუცილებელი იქნება პირბადის ტარება.
„აუცილებელია პირბადის ტარება. ამაზე პასუხისმგებელი იქნებიან მუნიციპალური ტრანსპორტის ხელმძღვანელი ორგანიზაციები ან კერძო ტრანსპორტის მფლობელები“, – აღნიშნა გიორგი გახარიამ.
ამასთან, ცნობილია, რომ 29 მაისიდან ყველა სახის მუნიციპალური ტრანსპორტი, მათ შორის მეტრო გაიხსნება. ხოლო, 1-ელი ივნისიდან ღია სივრცის მქონე რესტორნები, ასევე, ღია და დახურული ბაზრობები გაიხსნება. 1-ლივე ივნისიდან მუშაობას შეძლებს ყველა სახის ღია მაღაზია, მათ შორის მოლებიც.
