“აშკარაა, რომ ის არასწორი ნაბიჯები რაც თქვენ და თქვენმა ორგანიზაციამ გაატარა, მსოფლიოს ძალიან ძვირი დაუჯდა. ერთადერთი გზა, რაც ჯანდაცვის მსოფლიო ორგანიზაციას დარჩა არის ის, რომ დაამტკიცოს ჩინეთისგან დამოუკიდებლობა… თუ ორგანიზაციას არ ექნება მნიშვნელოვანი გაუმჯობესებები მომავალი 30 დღის მანძილზე, მე პერმანენტულად გავყინავ აშშ-ის სახელმწიფო დაფინანსებას ორგანიზაციისთვის და გადავხედავ მასში ჩვენი წევრობის საკითხს.”
დონალდ ტრამპი – აშშ-ის პრეზიდენტი
შეგახსენებთ, რომ აშშ-ის სადაზვერვო სამსახურებმა თეთრ სახლს გასაიდუმლოებული დასკვნა წარუდგინა, რომლის მიხედვითაც, ჩინეთი მალავდა თავის ქვეყანაში ახალი კორონავირუსის გავრცელების მასშტაბებს, მათ შორის ვირუსით ინფიცირებულთა და გარდაცვლილთა რაოდენობებს.
ამის შემდეგ დონალდ ტრამპმა “ჯანმო” ჩინეთთან თანამშრომლობაში დაადანაშაულა, რის გამოც დაფინანსება შეუწყვიტა.