“ქვეყნები, რომლებსაც სურთ, რომ აღდგეს გადაადგილება, ადამიანებმა კვლავ იარონ სამსახურებში, მოუწევთ, თვალყური ადევნონ ახალი ინფექციების გავრცელებას და შეეგუონ იმ კონტროლს, რაც ახლა არის დაწესებული ვიცრე, არ შემუშავდება Covid-19-ის საწინააღმდეგო ვაქცინა. მიუხედავად იმისა, რომ აღნიშნულმა ზომებმა დაინფიცირების შემთხვევები მნიშვნელოვნად შეამცირა, Covid-19-ის ვაქცინის გარეშე, შემთხვევები შესაძლოა ხელახლა დაიძრას. თანაც, იმპორტირებული შემთხვევები გრძელდება მსოფლიოს ბევრ ქვეყანაში და Covid-19-ი გააგრძელებს გლობალურ გავრცელებას. თუკი ნორმალური ცხოვრება სწრაფი ტემპებით აღდგება, მაჩვენებლები კვლავ მოიმატებს. ამიტომ, ხელისუფლებები კარგად უნდა დააკვირდნენ მიმდინარე მოვლენებს და სანამ Covid-19-ის ვაქცინა არ შემუშავდება, კარანტინი არ უნდა მოიხსნას.”
პროფესორი ჯოზეფ ვუ – ჩინეთში ჩატარებულ ახალ კვლევის ხელმძღვანელი
ამის შესახებ The Guardian-ი წერს.
მსოფლიოში კორონავირუსის ინფიცირების შემთხვევებმა 1,5 მილიონს გადააჭარბა.
დღეის მონაცემებით, მსოფლიოში ვირუსით 1 მილიონ 605 ათას 277 ადამიანია დაინფიცირებული. ვირუსის შედეგად 95 ათას 751 მოქალაქე გარდაიცვალა, ხოლო 356 ათას 995 – გამოჯანმრთელდა.
ამასთან, ცნობილია, რომ ზოგიერთი ქვეყანა საგანგებო მდგომარეობის დროს დაწესებული შეზღუდვების შემსუბუქებას გეგმავს.