ჩერნობილის ატომურ სადგურთან ხანძარია; ცეცხლი მწვანე საფარს უკიდია – ხანძრის შესახებ ინფორმაციას “დოიჩე ველე” ავრცელებს.
არსებული ინფორმაციით, ადგილზე ხანძრის ჩასაქრობად 90 მეხანძრე და ორი სახანძრო თვითმფრინავი მუშაობს.
ამ დროისთვის ხანძრის ჩაქრობა ჯერჯერობით ვერ ხერხდება.
ხანძრის გამომწვევი მიზეზები ცნობილი არ არის.
ჩერნობილი 1986 წლის 26 აპრილის ატომური აფეთქების ცენტრი იყო. ადგილზე #4 რეაქტორი აფეთქდა, რამაც ატმოსფეროში რადიოაქტიური ნივთიერებების გაბნევა გამოიწვია.