გაერთიანებულ სამეფოში ბოლო 24 საათში კორონავირუსით გარდაცვლილთა რაოდენობამ 708 შეადგინა – ეს დიდ ბრიტანეთში ერთ დღეში კორონავირუსის შედეგად გარდაცვლილთა რეკორდული მაჩვენებელია.
წინა დღეს გაერთიანებულ სამეფოში კორონავირუსით 684 ადამიანი გარდაიცვალა.
ჯამში დიდ ბრიტანეთში „COVID 19“-ს 4 313 ადამიანი ემსხვერპლა.
როგორც ბრიტანული მედია ჯანდაცვის სამინისტროზე დაყრდნობით წერს, სულ ქვეყანაში კორონავირუსით ინფიცირების 41 903 შემთხვევაა გამოვლენილი, აქედან ბოლო ერთ დღეში დაავადება 3 735 ადამიანს დაუდგინდა.