იტალიაში, ახალი კორონავირუსით, ბოლო 24 საათის განმავლობაში, 756 ადამიანი გარდაიცვალა და დაღუპულთა საერთო რაოდენობამ 10 779-ს მიაღწია.
ოფიციალური მონაცემების მიხედვით, ქვეყანაში “კოვიდ-19”-ის 97 689 დადასტურებული შემთხვევა ფიქსირდება.
შეგახსენებთ, მსოფლიოს მასშტაბით, ახალი კორონავირუსით ინფიცირების შემთხვევათა რაოდენობამ 700 000-ს გადააჭარბა. ოფიციალური სტატისტიკით, ამ დროისთვის, ინფიცირების 702 348 შემთხვევა ფიქსირდება.
“კოვიდ-19”-ის შედეგად, ბოლო მონაცემებით, გარდაცვლილია 33 178 ადამიანი, გამოჯანმრთელებულია 149 215 პირი.
ჯანდაცვის მსოფლიო ორგანიზაციამ 30 იანვარს კორონავირუსი გლობალურ საფრთხედ, 11 მარტს კი, პანდემიად გამოაცხადა.