ახალი ამბები მთავარი საზოგადოება

“ჩამოვიტანეთ პირველი 1 000 ტესტი ჩინეთის სახალხო რესპუბლიკიდან” – ეკატერინე ტიკარაძე

“ამ ეტაპზე ჩვენ ჩამოვიტანეთ ის პირველი 1000 ტესტი, რომლებსაც ველოდებოდით ჩინეთის სახალხო რესპუბლიკიდან, ამ ტესტების პასუხი შესაძლებელია მივიღოთ ჩვენ უკვე საათნახევარში, რაც მოგვცემს საშუალებას, ნაკადები უფრო სწრაფად ვმართოთ”, – ამის შესახებ ჯანდაცვის მინისტრმა, ეკატერინე ტიკარაძემ, მარნეულში ვიზიტისას განაცხადა. ეკატერინე ტიკარაძემ დღეს მარნეულში სწრაფი ტესტები ჩაიტანა.

ეკატერინე ტიკარაძის თქმით, ტესტები ამ დროისთვის განკუთვნილია მხოლოდ მარნეულისთვის, სადაც ვირუსის გავრცელების ყველაზე მეტი რისკია.

„ამ ეტაპზე ჩვენ ჩამოვიტანეთ ის პირველი 1000 ტესტი, რომელსაც ველოდებოდით ჩინეთის სახალხო რესპუბლიკიდან, რომელიც რეალურად დაავადებათა კონტროლის ცენტრისთვის, ისევე როგორც ადგილზე მომუშავე ეპიდემიოლოგებისთვის, პაციენტებისთვის გააუმჯობესებს დროის ხანგრძლივობას. ამ ტესტების პასუხი შესაძლებელია მივიღოთ ჩვენ უკვე საათნახევარში, რაც მოგვცემს იმის საშუალებას, რომ ნაკადები ვმართოთ უფრო სწრაფად, რომ სწრაფად მივიღოთ და დავადგინოთ ის შედეგები, ჩავატაროთ ის კვლევა, რომელსაც ჩვენ დღეს ამ რეგიონში ვატარებთ, რათა თავიდან იქნას აცილებული ის ეპიდემიური აფეთქება, რომლის რისკიც არსებობს დღესდღეობით ამ რეგიონში.

ჩვენ ადგილზე გავეცანით სიტუაციას იმისათვის, რომ, რა თქმა უნდა, ეს მდგომარეობა არის უჩვეულო როგორც საქართველოსთვის, ასევე მთელი მსოფლიოსთვის. გვინდა მაქსიმალურად დეტალურად პირველი ხაზიდან შევისწავლოთ, თუ რა ხარვეზები არის დაგეგმარებაში, რათა შემდეგ მათი გამოსწორება მოხდეს შემდგომი პრევენციისთვის და პროცესის გაუმჯობესებისთვის“ , – განაცხადა ეკატერინე ტიკარაძემ.

შეგახსნებთ, ბოლო მონაცემებით, საქართველოში კორონავირუსით ინფიცირების 75 შემთხვევა ფიქსირდება. 

საქართველოს პრეზიდენტმა „სალომე ზურაბიშვილის” ფონდიდან კორონავირუსთან ბრძოლის მიზნით შექმნილ ფონდში 30 000 ლარი გადარიცხა – ინფორმაციას საქართველოს პრეზიდენტის ადმინისტრაცია ავრცელებს.

კორონავირუსის გავრცელების საფრთხის გამო, მარნეულისა და ბოლნისის მუნიციპალიტეტები 23 მარტიდან მკაცრ საკარანტინო რეჟიმზე გადავიდა.

საქართველოში  21 მარტს მთელი ქვეყნის მასშტაბით საგანგებო მდგომარეობა გამოცხადდა.

საქართველოს პრეზიდენტმა, სალომე ზურაბიშვილმა, საგანგებო მდგომარეობის გამოცხადებასთან დაკავშირებით დეკრეტი გამოსცა.

ავიაბილეთები იაფად
იტვირთბა....