„ჩვენ ვაკონტროლებთ კონკრეტული საქონლის, როგორც არსებობას მარაგებში, ასევე დახლებზე, ქსელებში. ვადარებთ ფასების დინამიკას, ვაკეთებთ დასკვნებს და ვახდენთ რეაგირებას. მოსახლეობისთვის მთავარია, რომ დაინახონ შედეგი… ამას ვაკონტროლებთ ყველა ჩვენ ხელთ არსებული სამართლებრივი და ადმინისტრაციული ბერკეტით. შექმნილია ერთობლივი ჯგუფები, სოფლის მეურნეობის სამინისტრო და სხვადასხვა უწყებები, მათ შორის ფინანსთა სამინისტრო და ეკონომიკის სამინისტრო, ხდება ყოველდღიური მონიტორინგი“
ნათია თურნავა – ეკონომიკის მინისტრი
შეგახსენებთ, საქართველოში, ამ დროისთვის, კორონავირუსით ინფიცირების 38 შემთხვევაა დაფიქსირებული. ინფიცირებულთაგან უკვე გამოჯანმრთელდა 1 პირი, რომელიც 16 მარტს საავადმყოფოდან გაეწერა. 55 წლის მამაკაცი, რომელიც საქართველოში “კოვიდ-19”-ით ინფიცირებული პირველი პაციენტია, საავადმყოფოდან გაწერის შემდეგ, რამდენიმე დღეს თვითიზოლაციაში გაატარებს.
ჯანდაცვის მსოფლიო ორგანიზაციამ 30 იანვარს კორონავირუსი გლობალურ საფრთხედ, 11 მარტს კი, პანდემიად გამოაცხადა.