ახალი კორონავირუსის გამო, აღსრულების ეროვნული ბიურო გამოსახლებებს დროებით აჩერებს. აღნიშნულ ინფორმაციას ბიუროს პრესსამსახური ავრცელებს.
გავრცელებული ინფორმაციის მიხედვით, დროებით შეჩერდება 2020 წლის 1-ელ აპრილამდე ჩანიშნული გამოსახლებები.
„შექმნილი მდომარეობიდან გამომდინარე, ახალი კორონავირუსის გავრცელების პრევენციის მიზნით, აღსრულების ეროვნული ბიუროს თავმჯდომარის ბრძანებით, 2020 წლის პირველ აპრილამდე ჩანიშნული გამოსახლებები დროებით გაუქმდა“, – ნათქვამია აღსრულების ბიუროს განცხადებაში.
შეგახსენებთ, საქართველოში ამ დროისთვის ახალი კორონავირუსით ინფიცირების 33 შემთხვევაა დადასტურებული.