ერაყში, თაჯის სამხედრო ბაზაზე, სადაც უცხოელი და მათ შორის ამერიკელი ჯარისკაცები იმყოფებიან, სარაკეტო იერიში კიდევ ერთხელ მიიტანეს.
გავრცელებული ცნობით, იერიშის შედეგად არიან დაშავებულები. ასევე, დაჭრილია აშშ-ის ხელმძღვანელობით მოქმედი ანტიტერორისტული კოალიციის სამი ჯარისკაცი და ორი ერაყელი სამხედრო მოსამსახურე.
ერაყის თავდაცვის უწყებაში აცხადებენ, რომ თაჯის სამხედრო ბაზის მიმართულებით „კატიუშას“ ტიპის 33 რაკეტა ისროლეს.
ერაყელმა ჯარისკაცებმა სამხედრო ბაზის სიახლოვეს 24 რაკეტა და 7 რაკეტების გამშვები დანადგარი იპოვეს.