უწყებათაშორისი საკოორდინაციო საბჭო რეკომენდაციას აძლევს, რომ მთელი ქვეყნის მასშტაბით არსებულ კაზინოებს, სლოტკლუბებს და ტოტალიზატორებს, კორონავირუსის გავრცელების მაქსიმალური პრევენციისთვის, დროებით შეაჩერონ მუშაობა, რათა თავიდან იყოს აცილებული დახურულ სივრცეებში მოქალაქეთა ინტენსიური კონცენტრაციისგან თავის არიდება. ეს გადაწყვეტილება მთავრობამ კორონავირუსის გავრცელების საპრევენციო ღონისძიებების ფარგლებში მიიღო.
გარდა ამისა, საბჭო მოუწოდებს სექტორში მოქმედ კერძო ბიზნესს, შექმნილი ვითარების ფონზე, გამოავლინონ მაღალი სოციალური პასუხისმგებლობა და აღნიშნული რეკომენდაციის გათვალისწინება არ ასახონ თანამშრომელთა შრომით ანაზღაურებაზე.
მთავრობამ კორონავირუსის გავრცელების საპრევენციო ღონისძიებების ფარგლებში ახალი გადაწყვეტილებები უწყებათაშორისი საკოორდინაციო საბჭოს დღევანდელ სხდომაზე მიიღო.