ევროპისგან განსხვავებით, ჩინეთში კორონავირუსის ახალი შემთხვევები იკლებს.
ბოლო 24 საათში ქვეყანაში გარდაცვალების 17 და დაინფიცირების 19 შემთხვევა გამოვლინდა. ჩინელი პაციენტების 70%-ზე მეტი უკვე გამოჯანმრთელდა.
“კოვიდ 19″-ით გარდაცვალების პირველი ფაქტები დადასტურდა გერმანიაში, კანადასა და დიდ ბრიტანეთში. გარდაცვალების 30-30 ფაქტი გამოვლინდა ესპანეთსა და საფრანგეთში.
ვირუსის პირველი შემთხვევები დაფიქსირდა პანამაში, მონღოლეთში, კვიპროსსა და ბურკინა-ფასოში.
ინფექციის პრევენციის მიზნით, ისრაელში ჩასულ ყველა პირს ორკვირიან კარანტინში ყოფნა მოუწევს. 14 დღით საჯარო ღონისძიებების ჩატარება აიკრძალა სლოვაკეთსა და კოსტა-რიკაში.
ამერიკის შეერთებულ შტატებში კი კორონავირუსით გარდაცვლილთა რიცხვმა 72-ს მიაღწია. ინფიცირებულია 708 ადამიანი. მათ შორის NASA-ს თანამშრომელი.