სტატისტიკის ეროვნული სამსახური თებერვლის ინფლაციის მაჩვენებელს აქვეყნებს.
საქსტატის ინფორმაციით, წლიური ინფლაციის დონემ 6.4 % შეადგინა.
მათივე ცნობით, წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
სურსათი და უალკოჰოლო სასმელების ჯგუფში ფასები 12.7 %-ით გაიზარდა.
ფასები მომატებულია შემდეგ ქვეჯგუფებზეც: ხილი და ყურძენი (25.1 პროცენტი), რძე, ყველი და კვერცხი (19.2 პროცენტი), ხორცი და ხორცის პროდუქტები (15.1 პროცენტი), შაქარი, ჯემი და სხვა ტკბილეული (11.2 პროცენტი), ბოსტნეული და ბაღჩეული (11.1 პროცენტი), თევზეული (10.3 პროცენტი), მინერალური და წყაროს წყალი, უალკოჰოლო სასმელები და ნატურალური წვენები (8.7 პროცენტი), ზეთი და ცხიმი (7.4 პროცენტი), პური და პურპროდუქტები (5.6 პროცენტი), ყავა, ჩაი და კაკაო (5.0 პროცენტი).
გარდა ამისა, სასტუმროები, კაფეების და რესტორნების ჯგუფში მოცემულ პერიოდში ფასები გაიზარდა 8.7 %-ით. შესაბამისად, ჯგუფის წვლილმა წლიურ ინდექსში 0.39 პროცენტი შეადგინა. ფასების ზრდა დაფიქსირდა როგორც საზოგადოებრივ კვებაზე (9.5%), ისე ღამის გასათევით მომსახურებაზე (1.3%).