“უკრაინაში რაც რუსული გავლენების აგენტებმა ჩაიდინეს, იმას აკეთებენ დღეს ჩვენთან. ჩინეთის მოქალაქეები, რომლებიც 5 კვირაა, გამოსულები არიან და არავითარ რისკს არ ქმნიდნენ, სამარცხვინო და ქსენოფობიის პროპაგანტისტმა მედიამ ბულინგის მსხვერპლად აქცია.”
დაავადებათა კონტროლის ეროვნული ცენტრის დირექტორის მოადგილე – პაატა იმნაძე
აღნიშნული განცხადება იმნაძემ, “ფეისბუქზე” გამოაქვეყნა, რითაც გამოეხმაურა, სადგურის მოედანზე მომხდარ ინციდენტს, სადაც მგზავრებმა, მატარებელში ორი ჩინეთის მოქალაქის ყოფნა გააპროტესტეს.
შეგახსენებთ, რომ მსგავსი შემთხვევა, რამდენიმე დღის წინ უკრაინაშიც მოხდა, როდესაც იმ ავტობუსებს დაესხნენ თავს, რომლებითაც ჩინეთიდან მოქალაქეების ევაკუაცია ხორციელდებოდა. მათი მტკიცებით, ევაკუაცია ქალაქში ვირუსის გავრცელებას გამოიწვევდა.