ესტონეთის საგარეო დაზვერვის სამსახურის ანგარიშის „საერთაშორისო უსაფრთხოება და ესტონეთი 2020 წელს“ მიხედვით, მიმდინარე წელს რუსეთი აშშ-ის საპრეზიდენტო და საქართველოს საპარლამენტო არჩევნებზე იქნება ფოკუსირებული.
დოკუმენტში წერია, რომ 2019 წელს რუსეთი დასავლეთში გამართულ არჩევნებში ჩაერია და სავარაუდოდ, იმავეს გაიმეორებს 2020 წელს.
„რუსეთი, რა თქმა უნდა, ფოკუსირებული იქნება აშშ-ის საპრეზიდენტო და საქართველოს საპარლამენტო არჩევნებზე.
მთავარი მიზანი რუსეთისთვის უფრო სასარგებლო შედეგის უზრუნველყოფაა, რუსეთს სურს აჩვენოს, რომ დასავლეთში სამართლიანი არჩევნები ვერ იმართება, რაც მათ შესაძლებლობას აძლევს, ყურადღება გადაიტანონ რუსეთის პრობლემებიდან და დასავლეთის ორმაგი სტანდარტების რიტორიკა გამოიყენონ“, – ნათქვამია დოკუმენტში.