ახალციხეში მომხდარი ავტოსაგზაო შემთხვევის შედეგად, სამი არასრულწლოვანი დაშავდა. დაშავებულები სასწრაფო სამედიცინო დახმარების ჯგუფმა ახალციხეში, „იმედის“ კლინიკაში გადაიყვანა.
საზოგადოებრივი მაუწყებელი სამედიცინო დაწესებულებაზე დაყრდნობით იტყობინება, რომ დაშავებულთაგან ერთ-ერთის ჯანმრთელობის მდგომარეობა მძიმეა და მოზარდი კატასტროფის ბრიგადას თბილისში, იაშვილის კლინიკაში გადაჰყავს.
რაც შეეხება დანარჩენ ორი არასრულწლოვანს, მათ მხოლოდ მსუბუქი დაზიანებები აღენიშნებათ.
შსს-მ მომხდართან დაკავშირებით გამოძიება 276–ე მუხლის მეორე ნაწილით დაიწყო.