“ირანი მრავალი წლის განმავლობაში მხოლოდ პრობლემებს ქმნის – აშშ-ს მეტი მუქარის მოსმენა აღარ სურს”

„ირანი ძალიან მკაფიოდ და ხაზგასმით საუბრობს, რომ მზადაა, დაარტყას კონკრეტულ ამერიკულ ობიექტებს და ეს შურისძიების მიზნით გააკეთოს, რადგან ჩვენ მსოფლიოს მათი ტერორისტების ლიდერი მოვაშორეთ, რომელმაც ახლახან მოკლა ამერიკელი და ბევრი სხვა დაჭრა. მან მთელი ცხოვრების განმავლობაში არაერთი ადამიანი დახოცა, მათ შორის, ირანელი დემონსტრანტებიც. ის თავს ესხმოდა ჩვენს საელჩოს და დამატებით დარტყმებს სხვაგანაც ამზადებდა. ირანი მრავალი წლის განმავლობაში მხოლოდ პრობლემებს ქმნის. ეს უნდა იყოს გაფრთხილება, რომ თუ ირანი დაარტყამს რომელიმე ამერიკელს ან ამერიკულ ობიექტებს, ჩვენ უკვე ამოვიღეთ მიზანში 52 ირანული ობიექტი (რაც სიმბოლურად მრავალი წლის წინ ირანის მიერ მძევლად აყვანილ 52 ამერიკელს წარმოადგენს), ამ სამიზნეების ნაწილი ირანისთვის და ირანული კულტურისთვის ძალიან მნიშვნელოვანია. ამ სამიზნეებს და თავად ირანსაც ძალიან სწრაფად და ძლიერად დავარტყამთ. აშშ-ს მეტი მუქარის მოსმენა აღარ სურს“,

დონალდ ტრამპი, ამერიკის შეერთებული შტატების 45-ე პრეზიდენტი

სოციალური ქსელი “ტვიტერი”