იტალიის ალპებში ზვავს სამი ადამიანის სიცოცხლე ემსხვერპლა. როგორც BBC იტყობინება, უბედური შემთხვევის შედეგად 35 წლის ქალი და ორი 7 წლის გოგონაა დაღუპული. იტალიური მედიის ცნობით, გარდაცვლილი ქალი ერთ-ერთი დაღუპული გოგონას დედა იყო.
არსებული ინფორმაციით, ორი მათგანი შემთხვევის ადგილზე გარდაიცვალა, მესამე კი, საავადმყოფოში გადაყვანის შემდეგ.
გარდაცვლილები გერმანიის მოქალაქეები იყვნენ. ისინი სამთო-სათხილამურო კურორტზე, 2 400 მეტრის სიმაღლეზე სრიალებდნენ.
სამძებრო-სამაშველო ოპერაციაში 70 მაშველი და სამი შვეულმფრენი მონაწილეობდა.