aviabiletebi
ახალი ამბები მთავარი საზოგადოება

რა მოხდა 116-ე საჯარო სკოლაში – მანდატურის სამსახური განცხადებას ავრცელებს

aviabiletebi
ავიაბილეთები

მანდატურის სამსახური თბილისში, 116-ე სკოლაში უფროსკლასელებს შორის მომხდარი დაპირისპირების შესახებ განცხადებას ავრცელებს.

„თბილისის 116-ე საჯარო სკოლაში მომხდარ ინციდენტთან დაკავშირებით, გვსურს, საზოგადოებას მივაწოდოთ დამატებითი ინფორმაცია. კერძოდ: მიმდინარე წლის 3 დეკემბერს, მანდატური ახორციელებდა სკოლის ტერიტორიის დისტანციურ მეთვალყურეობას, რა დროსაც მან ვიდეოკამერიდან შენიშნა, რომ

შესვენების დროს, დერეფანში, უფროსკლასელი ბიჭების ხუმრობამ და თამაშმა უხეში ფორმა მიიღო. მანდატურმა ინფორმაცია მყისიერად გადასცა კოლეგას, რომელიც დაუყოვნებლივ მივიდა შემთხვევის ადგილზე. სიტუაციის განმუხტვის და ვითარებაში გარკვევისთანავე, მანდატურმა აღმოაჩინა, რომ მე-8 კლასის მოსწავლე ბიჭს მიყენებული ჰქონდა მცირე ფიზიკური დაზიანება. მას ადგილზე გაეწია პირველადი დახმარება, თუმცა, მანდატურის მითითებით, სკოლის ექიმმა მაინც გამოიძახა სასწრაფო სამედიცინო ბრიგადა. თავად მანდატურმა კი ფაქტი აცნობა პოლიციას. აღნიშნულ ინციდენტთან დაკავშირებით, მანდატურის სამსახურისა და სკოლის ადმინისტრაციის მიერ გატარდა უსაფრთხოების წესით გათვალისწინებული ყველა საჭირო ღონისძიება. ამჟამად, ფაქტს პოლიცია სწავლობს. მე-8 კლასელი მოსწავლე ბიჭის სიცოცხლესა და ჯანმრთელობას არავითარი საფრთხე არ ემუქრება“, – აღნიშნულია განცხადებაში.

იტვირთბა....