"თუ არჩევნები არ ჩატარდება პროპორციული სისტემით, მიიღებენ ისეთ ქუჩას, რომელიც არ უნახავთ" - ვაშაძე - Metronome.Ge
ახალი ამბები მთავარი საზოგადოება

“თუ არჩევნები არ ჩატარდება პროპორციული სისტემით, მიიღებენ ისეთ ქუჩას, რომელიც არ უნახავთ” – ვაშაძე

“ნაციონალური მოძრაობის”ლიდერმა, გრიგოლ ვაშაძემ, 2020 წლის არჩევნებთან დაკავშორებით საუბრისას განაცხადა, რომ 2020 წლის საპარლამენტო არჩევნები ჩატარდება პროპორციული სისტემით, ან ისეთ ქუჩას მიიღებენ რომელიც არ უნახავთ

გრიგოლ ვაშაძემ ჟურნალისტებთან საუბრისას გუშინდელი პარლამენტის პლენარული სხდომა შეაფასა.

„არ ვიცი, რა იყო გუშინდელი უნიჭო სპექტაკლის მიზანი, ჩვენი მოკავშირეებისთვის ეჩვენებინათ, რამდენად ძნელია, იყო დემოკრატიულ საქართველოში და დაპირება შეასრულო, თუ საქართველოს მოქალაქეებისთვის ეჩვენებინათ, რამდენად შიდა დემოკრატია აქვთ ე.წ. „ქართულ ოცნებაში“.

მაგრამ, ამის შედეგი იქნება მარტივი – 2020 წლის საპარლამენტო არჩევნები ჩატარდება პროპორციული სისტემით, ან ისეთ ქუჩას მიიღებენ, რომელიც არ უნახავთ.

დარწმუნებული იყავით, რომ დღეს მისცემს ყველა ხმას. გაზაფხულზეც მისცემენ ხმას, რადგან თუ ვიღაც ფიქრობს, რომ რადიკალურად გაუმჯობესებული ეკონომიკური და სოციალური მდგომარეობა ექნებათ იანვარში, თებერვალში, მარტში იმისათვის, რომ გაზაფხულზე ჩაატარონ ვადამდელი არჩევნები, ეს ადამიანი პარალელურ რეალობაში ცხოვრობს“, – განაცხადა გრიგოლ ვაშაძემ.

შეგახსენებთ, რომ ბიძინა ივანიშვილმა 20-21 ივნისის აქციების შემდეგ პირობა დადო, რომ 2020 წლის არჩევნები პროპორციული საარჩევნო სისტემით ჩატარდებოდა.

ამავე თემაზე
იტვირთბა....