“მეუფე იაკობს ვენდობი და ვერ ვიტყვი, რომ ის ცრუობს, მაგრამ დამადასტურებელი საბუთები უნდა წარადგინოს” – მეუფე საბა

ჩრდილოეთ ამერიკის ეპისკოპოსი, მეუფე საბა ჟურნალისტებთან ბოდბელი მთავარეპისკოპოსის, მეუფე იაკობის განცხადებებს აფასებს და აცხადებს, რომ მღვდელმთავარს ენდობა, თუმცა ის განცხადებაზე დამადასტურებელი საბუთების წარდგენას ითხოვს.

„რა თქმა უნდა, ყველა ის საკითხი, რომელიც ტელევიზიით გაჟღერდა, სინოდი იმიტომ იკრიბება, რომ იმსჯელებს ამ საკითხებზე“,- აცხადებს მეუფე საბა.

მანვე უპასუხა უკრაინის ეკლესიის ავტოკეფალიასთან დაკავშირებით დასმულ კითხვას და განაცხადა, რომ ის უკრაინის ეკლესიის ავტოკეფალიას მხარს დაუჭერს, თუ საკითხს სინოდი განიხილავს. მისივე თქმით, დღევანდელ სინოდის სხდომაზე სავარაუდოდ, დეკანოზ გიორგი მამალაძესთან დაკავშირებული საკითხებიც განიხილება.