შსს-ს ინფორმაციით, თევდორე მღვდლის ქუჩაზე აფეთქების შედეგად დაშავებულია 1 მოქალაქე - Metronome.Ge
ახალი ამბები მთავარი სამართალი

შსს-ს ინფორმაციით, თევდორე მღვდლის ქუჩაზე აფეთქების შედეგად დაშავებულია 1 მოქალაქე

შინაგან საქმეთა სამინისტროს ინფორმაციით, თბილისში, თევდორე მღვდლის ქუჩაზე ერთ-ერთ საცხოვრებელ ბინაში მომხდარი აფეთქების შედეგად დაშავებულია 1 მოქალაქე, რომელიც სასწრაფო-სამედიცინო სამსახურის მიერ საავადმყოფოშია გადაყვანილი.

შსს-ს ცნობით, ბინაში აფეთქება სავარაუდოდ გაზის დაგროვების შედეგად მოხდა. აფეთქებას მსხვერპლი არ მოჰყოლია.

ადგილზე მობილიზებულია 30 მეხანძრე-მაშველი, ასევე, საპატრულო პოლიციის ეკიპაჟები, სასწრაფო-სამედიცინო დახმარების ბრიგადები და ყველა შესაბამისი სამსახური.

შინაგან საქმეთა სამინისტრომ მომხდარ აფეთქებასთან დაკავშირებით გამოძიება სსკ-ის 240-ე პრიმა მუხლის პირველი ნაწილით დაიწყო, რაც გულისხმობს მშენებლობის ან ექსპლუატაციის დროს უსაფრთხოების წესების დარღვევას.

ამავე თემაზე
იტვირთბა....