ვარშავის საერთაშორისო კინოფესტივალის გამარჯვებული დიტო ცინცაძის ფილმი “შინდისი” გახდა – ამის შესახებ ინფორმაციას საქართველოს ეროვნული კინოცენტრი ავრცელებს.
დაჯილდოების ცერემონიაზე ფილმმა კინოფესტივალის გრანპრი მიიღო, დიტო ცინცაძე კი საუკეთესო რეჟისორის პრიზით დაჯილდოვდა.
ფილმს საფუძვლად 2008 წლის რუსეთ-საქართველოს ომის დროს რეალურად მომხდარი ამბავი უდევს, რომლის დროსაც ჩვიდმეტი ქართველი ჯარისკაცი დაიღუპა.
ფილმი საქართველოს კინოცენტრმა ამერიკის კინოაკადემიის დაჯილდოვების 92-ე ცერემონიალზე, საერთაშორისო სრულმეტრაჟიანი ფილმის კატეგორიაში წარსადგენად შეარჩია.