ბოტანიკურ ბაღში „პურის ფესტივალი“ მიმდინარეობს [ფოტო] - Metronome.Ge
ახალი ამბები მთავარი საზოგადოება

ბოტანიკურ ბაღში „პურის ფესტივალი“ მიმდინარეობს [ფოტო]

საქართველოს ეროვნული ბოტანიკური ბაღის ორგანიზებით,„პურის ფესტივალი’’ მეორედ ტარდება. ფესტივალი 12 ოქტომბერს გაიხსნა.

ფესტივალის ფარგლებში წარმოდგენილია ბოტანიკური ბაღის ქართული მარცვლოვანი კულტურების კოლექცია და საქართველოში მოქმედი პურის მწარმოებელი კომპანიების პროდუქცია.

„პურის ფესტივალი“ გაიხსნა თეატრალიზებული წარმოდგენით, სადაც გაცოცხლებული იყო პურის ცხობის ძველიტრადიციები.

დამთვალიერებელი ორი დღის განმავლობაში იხილავს შემეცნებით ილუსტრაციას ხორბლის ქართული ენდემური სახეობების გავრცელების შესახებ.

ღონისძიებაზე გამოფენილია ძველი ისტორიული ფოტოები, რომელზეც ასახულია პურთან დაკავშირებული საინტერესო ფაქტები.

ასევე, „პურის ფესტივალზე’’ დამთვალიერებელს შესაძლებლობა აქვს დააგემოვნოს სხვადასხვა სახეობის პური და ჩაერთოს თემატურ გათამაშებებში. ფესტივალს მუსიკალურად აფორმებს ბენდი.

„პურის ფესტივალი’’ ორდღიანია და დღეს, 12:00 საათიდან 18:00 საათამდე ჩატარდება.

 

 

ამავე თემაზე
იტვირთბა....