თბილისში, გედევანიშვილის ქუჩაზე ხანძარი ლიკვიდირებულია. შემთხვევის შედეგად, არავინ დაშავებულა.
საგანგებო სიტუაციების მართვის სამსახურის ინფორმაციით, ცეცხლი გედევანიშვილის ქუჩაზე მდებარე ერთსართულიანი საცხოვრებელი სახლის სასხვენო გადახურვაზე, დაახლოებით, 250-300 კვ/მ ფართობზე იყო გავრცელებული.
მათივე ცნობით, არსებობდა ცეცხლის დიდ ფართობზე გავრცელების საფრთხეც, თუმცა საშიშროების აღკვეთა დროულად მოხერხდა.
ადგილზე საგანგებო სიტუაციების მართვის სამსახურის 10 სახანძრო-სამაშველო ჯგუფი მუშაობდა.