ახალი ამბები მთავარი საზოგადოება

ავჭალაში მასშტაბური საგზაო სამუშაოები მიმდინარეობს

გლდანის რაიონის გამგეობა სხვადასხვა მისამართზე გზის საფარის მოწესრიგებას ახორციელებს. ინფრასტრუქტურული სამუშაოები ამჯერად, ავჭალაში, ჯანჯღავას შესახვევში და მიმდებარე ჩიხებში, ასევე, გლდანულის ქუჩის I, II, III, IV შესასვლელში მიმდინარეობს.

პროექტის ფარგლებში, ჯანჯღავას შესახვევში გრუნტის გზის ნაცვლად, დაახლოებით, 4 531 კვ.მ ფართობზე, გლდანულის ქუჩის შესახვევებში კი დაახლოებით, 4 215 კვ.მ ფართობზე ასფალტის საფარი დაიგება.

ჯანჯღავას შესახვევი გლდანის რაიონში ერთ-ერთი პრობლემური ქუჩა იყო, სადაც მიწისქვეშა კომუნიკაციების გაუმართაობის გამო, გზის რეაბილიტაცია ვერ ხერხდებოდა. მას შემდეგ, რაც კომპანია „ჯორჯიან უოთერ ენდ ფაუერმა“ წყალმომარაგების ცენტრალური ქსელი შეცვალა და წყალარინების სისტემა მოაწესრიგა, გამგეობას შესაძლებლობა მიეცა, საგზაო სამუშაოები დაეწყო.

მიმდინარე სამუშაოებს გლდანის რაიონის გამგებელი ბექა მიქაუტაძე საკრებულოს მაჟორიტარ დეპუტატ შალვა ოგბაიძესთან ერთად გაეცნო.

ჯანჯღავას შესახვევისა და მიმდებარე ჩიხების რეაბილიტაციისთვის გლდანის რაიონის გამგეობის ბიუჯეტიდან 254 674 ლარი, გლდანულის ქუჩის შესახვევებისთვის კი 239 844 ლარია გათვალისწინებული. სამუშაოებს ტენდერში გამარჯვებული კომპანია L & L ახორციელებს.

გლდანის რაიონის გამგეობამ მიმდინარე წელს ჯანჯღავას III შესახვევისა და კობერიძის ქუჩის დამაკავშირებელი გზის, ასევე, ჯანჯღავას პირველი შესახვევის სრული რეაბილიტაცია განახორციელა. უახლოეს მომავალში კი ივანე კაჭარავას ქუჩაზე გზის იმ მონაკვეთის რეაბილიტაცია დაიწყება, სადაც ასფალტის საფარი ამ დრომდე არ არსებობდა.

ავიაბილეთები იაფად
იტვირთბა....

სხვა ამბები

სავაჭრო ცენტრზე განხორციელებული სარაკეტო დარტყმა ერთ-ერთი ყველაზე უტიფარი ტერორისტული აქტია – ზელენსკი

ნებისმიერი ტვირთის საქართველოს საბაჟო სივრცეში შემოსვლამდე, ვერ მოხდება მისი სანქციებთან შესაბამისობის დოკუმენტური შემოწმება – ფინანსთა მინისტრი

ორი რაღაც გადაწყვეტს ივანიშვილის ძალაუფლების ბედს – სანაია

როგორც 9 აპრილი იყო ერის ისტორიული არჩევანი, ისე 20 ივნისიც ცხადყოფს ერის ისტორიულ არჩევანს – დიღმელაშვილი

ივანიშვილის რეჟიმის გარღვევა შესაძლებელია ერთადერთი გზით: შიგნიდან წნეხი აქციებით, გარედან პრესი სანქციებით – გვარამია

15 წელი სჭირდება ევროკავშირში გაწევრიანებას, შესაბამისად, საჩქარო არაფერია – კობახიძე