“ლელოს” დაფუძნებელმა, მამუკა ხაზარაძემ დღეს გამართულ ბრიფინგზე საზოგადოებრივი მოძრაობის მორიგი 12 წევრი წარადგინა.
“ლელოს” ამჯერად – ალექს ბოლქვაძე – ადვოკატი; ნიკა ჩერქეზიშვილი – პოეტი; თამარ შავგულიძე – ხელოვნებათმცოდნეობის დოქტორი; ნია ჭაჭიაშვილი – მასწავლებელი; გიორგი წურწუმია – ჰიდროინჟინერი; ამირან ფაჩუაშვილი – ადვოკატი; ბექა მიქაძე – ახალგაზრდა გამომგონებელი; ვახტანგ კონტრიძე – ახალგაზრდა გამომგონებელი; ქეთევან მატაბელი- მხატვარი; ნინო თელია – კონსტიტუციონალისტი; ვასილ ჭეიშვილი – ექიმი, მედიცინის დოქტორი; თამაზ ბუთხუზი – ფიზიკა-მათემატიკის მეცნიერებათა დოქტორი, ფილოსოფოსი – შეუერთდნენ.
ხაზარაძემ საზოგადოებას “ლელოს” პირველი 12 წევრი – ლანა გალდავა, ლევან ბოძაშვილი, თეონა დოლენჯაშვილი, კახა კოჟორიძე, მედეა მეტრეველი, გია გუგუშვილი, საბა ბუაძე, გიგლა მიქაუტაძე, ქეთევან ენუქიძე, ელენე მელიქიშვილი, გია მორდებაშვილი, დავით გელაშვილი – გასულ კვირას წარუდგინა.
თავად საზოგადოებრივი მოძრაობის პრეზენტაცია კი, 12 სექტემბერს ანაკლიაში გაიმართა.