“თბილავიამშენის” თანამშრომლები გაიფიცნენ

კომპანია “თბილავიამშენის” თანამშრომლებმა, დაგვიანებული ხელფასების მიღებისა და კომპანიის დირექტორის, ირაკლი გოგიბერიძის გადადგომის მოთხოვნით, საპროტესტო აქცია გამართეს.

საქართველოს პროფკავშირების გაერთიანების ინფორმაციით, აქციის მონაწილეებს შეხვდნენ კომპანიის გენერალური და აღმასრულებელი დირექტორები, რომელთაც არ აქვთ ინფორმაცია თუ როდის მოხდება დასაქმებულების პრობლემების გადაწყვეტა.

დასაქმებულთა თქმით, ირაკლი გოგიბერიძემ დასაქმებულების მიმართ შეურაცხმყოფელი დამოკიდებულება გამოავლინა.

ისინი მოთხოვნების შესრულებამდე აქციების შეწყვეტას არ აპირებენ.