საქართველოს ომბუდსმენი, ნინო ლომჯარია, სოფელ გუგუტიანთკარში იმყოფება, სადაც მიმდინარე პროცესებს აკვირდება.
სახალხო დამცველის სოციალური ქსელის პირად გვერდზე აღნიშნულია, რომ 2019 წლის 7 აგვისტოს სოფელ გუგუტიანთკართან საოკუპაციო ძალების მიერ ხელოვნური ბარიერების აღმართვის უკანონო პროცესი დაიწყო, რომელიც დღემდე მიმდინარეობს.
სახალხო დამცველი მიმართავს საქართველოს ხელისუფლებას, საერთაშორისო თანამეგობრობასთან მჭიდრო თანამშრომლობით, ქმედითი ნაბიჯები გადადგას, რათა თავიდან იქნას აცილებული მოსახლეობის თავისუფალი გადაადგილების უფლების შეზღუდვა და სასოფლო-სამეურნეო დანიშნულების მიწის ნაკვეთების დაკარგვა, რაც იქ მცხოვრები მოსახლეობისთვის შემოსავლის ძირითად წყაროს წარმოადგენს.