fbpx
ახალი ამბები მთავარი საზოგადოება

საპატრიარქო: ველოდებით ეპარქიის მმართველი მღვდელმთავრის რეაგირებას ყინწვისის ტაძრის წინამძღვრის თვითნებურ ქმედებაზე

საქართველოს საპატრიარქო ყინწვისის მონასტერსი მეტლახის დაგებასთან დაკავშირებით, განცხადებას ავრცელებს და აღნიშნავს, რომ დაგებული იატაკი სრულ დისონანსშია ტაძართან.

ამავე განცხადებაში ვკითხულობთ, რომ საეკლესიო კანონიკიდან გამომდინარე, საპატრიარქო ელოდება ეპარქიის მმართველი მღვდელმთავრის რეაგირებას ყინწვისის ტაძრის წინამძღვრის თვითნებურ ქმედებაზე.

“როგორც საზოგადოებისათვის ცნობილია, რუის-ურბნისის ეპარქიაში, ყინწვისის ტაძარში, ადგილობრივი სასულიერო პირების ინიციატივით გასული საუკუნის 70-იანი წლების იატაკი შეიცვალა მარმარილოს ფილებით.

მიუხედავად იმისა, რომ არსებული იატაკი არ წარმოადგენდა სიძველეს, ასეთი ნაბიჯის გადადგმა შეუთანხმებლად არის ყოვლად გაუმართლებელი.

ყინწვისი XIII საუკუნის ნაგებობა და კულტურული მემკვიდრეობის ერთერთი უმნიშვნელოვანესი ძეგლია და მასთან დაკავშირებული ნებისმიერი სამუშაო პროცესი უნდა მიმდინარეობდეს სათანადო ნებართვით.

როგორც კულტურული მემკვიდრეობის სააგენტოს განცხადებაშია ნათქვამი, ძეგლი არ დაზიანებულა, მაგრამ დაგებული იატაკი სრულ დისონანსშია ტაძართან და საჭიროა ამჟამად არსებული რეალობის სასწრაფოდ გამოსწორება, რაც სრულიად შესაძლებელია.

ცნობისათვის აღვნიშნავთ, რომ ყველა ეპარქიას მისი მღვდელმთავარი განაგებს და მონასტრის საძმოს სურვილი ამა თუ იმ ეკლესიაში სამშნებლო სამუშაოების ჩატარებისა, პირველ რიგში, მმართველი იერარქისგან და საქართველოს საპატრიარქოს ხუროთმოძღვრების საბჭოსგან უნდა იყოს ნებადართული, ხოლო როდესაც საქმე ეხება კულტურული მემკვიდრეობის ძეგლს, ასეთი სახის საქმიანობა აუცილებლად უნდა შეთანხმედეს კულტურული მემკვიდრეობის სააგენტოსთანაც. ეს არის ეკლესიასა და სახელმწიფოს შორის ურთიერთობის დადგენილი წესი, რომლის დაცვა ყველას მართებს. მოცემულ შემთხვევაში კი ყველა საფეხურზე დარღვევას ჰქონდა ადგილი.

საეკლესიო კანონიკიდან გამომდინარე, ველოდებით ეპარქიის მმართველი მღვდელმთავრის რეაგირებას ყინწვისის ტაძრის წინამძღვრის თვითნებურ ქმედებაზე”.

ყინწვისის მონასტერში მარმარილოს მეტლახი დააგეს

სხვა ამბები

შავი ზღვის სანაპიროზე შტორმია – მაშველები დამსვენებლებს აფრთხილებენ

newsadmin

თბილისის ნაწილს ელექტრომომარაგების მიწოდება დროებით შეეზღუდება

newsadmin

ტიმოთესუბნის ყოვლაწმინდა ღვთისმშობლის მიძინების სახელობის სამონასტრო კომპლექსის ტაძარში კარადა ჩააშენეს

newsadmin

რუსული მედია – 16 წლის მოზარდმა დედა, ძმა, და, ბებია და ბაბუა ნაჯახით მოკლა, შემდეგ თავი მოიკლა

newsadmin

მუშა, რომელიც სოფელ ლემშვენიეროში, სამშენებლო სამუშაოებისას დაშავდა, კვლავ კომაშია

newsadmin

“რეალურად, დღეს საქართველოს სახელმწიფოს არ ჰყავს ხელისუფლება”

newsadmin
იტვირთბა....