"გამოვიყენებთ ჩვენს ხელთ არსებულ ყველა ინსტრუმენტს" - ეროვნული ბანკი განცხადებას ავრცელებს - Metronome.Ge
ახალი ამბები ბანკები ეკონომიკა მთავარი

“გამოვიყენებთ ჩვენს ხელთ არსებულ ყველა ინსტრუმენტს” – ეროვნული ბანკი განცხადებას ავრცელებს

“ჩვენ ვიმოქმედებთ კურსის გრძელვადიანი სტაბილურობის მიზნებიდან გამომდინარე”, – ამის შესახებ ეროვნული ბანკის მიერ გავრცელებულ განცხადებაში ვკითხულობთ.

ამავე განცხადებაში აღნიშნულია, რომ მოკლევადიან დინამიკაზე გავლენას ბევრი ფაქტორი ახდენს და რეაგირებაც სხვადასხვა მიმართულებით უნდა განხორციელდეს.

“ეროვნული ბანკი, თავისი ფუნქციების აღსრულებისას, დამოუკიდებელია პოლიტიკური თუ სხვა გავლენებისგან და მოქმედებს კონსტიტუციით განსაზღვრული მანდატის ფარგლებში. ინფლაციის თარგეთირების რეჟიმის პირობებში, ცენტრალური ბანკების მიზანია კურსის გრძელვადიანი სტაბილურობა, რაც ეროვნული ბანკის ამოცანის – ფასებისა და ფინანსური სისტემის სტაბილურობისათვის აუცილებელი პირობაა. ლარის კურსის მოკლევადიან დინამიკაზე გავლენას ბევრი ფაქტორი ახდენს და რეაგირებაც სხვადასხვა მიმართულებით უნდა განხორციელდეს. ჩვენ ვიმოქმედებთ კურსის გრძელვადიანი სტაბილურობის მიზნებიდან გამომდინარე და დამატებითი ჩარევის აუცილებლობის შემთხვევაში, გამოვიყენებთ ჩვენს ხელთ არსებულ ყველა ინსტრუმენტს, მათ შორის სავალუტო ინტერვენციებსაც, რათა არ დავუშვათ მაღალი ინფლაცია”. – ნათქვამია ეროვნული ბანკის განცხადებაში.

ამავე თემაზე
იტვირთბა....