“გვაქვს სხვადასხვა ავტორის მიერ შედგენილი “დედა ენის” ექვსამდე სახელმძღვანელო, რომლითაც სკოლაში ოფიციალურად როგორც აქამდე ასწავლიდნენ, ისე გააგრძელებენ სწავლებას ამ სახელმძღვანელოებით. იაკობ გოგებაშვილსაც, მგონი, აქვს უფლება, რომ მისი “დედა ენაც” სხვა ავტორების “დედა ენასთან” ერთად იყოს, რომ გოგებაშვილის “დედა ენასაც” მივცეთ უფლება, სკოლაში, რომელი პედაგოგიც გადაწყვეტს, აირჩიოს როგორც რესურსი. ასევე, შეუძლია აირჩიოს სხვა “დედა ენასთან” ერთად, როგორც დამხმარე რესურსი. ყველა ბავშვი პირველ კლასში მიიღებს “დედა ენას”, როგორც იღებს უფასოდ სხვა სახელმძღვანელოებს. ამას უკვე ადგილზე წყვეტს კონკრეტული პედაგოგი კონკრეტულ კლასში”
განათლების, მეცნიერების, კულტურისა და სპორტის მინისტრი, მიხეილ ბატიაშვილი, ქართულ სკოლებში იაკობ გოგებაშვილის სახელმძღვანელოს, “დედა ენის”, დაბრუნებასთან დაკავშირებით ჟურნალისტებთან საუბრისას.